2. మా దేవా నీదు కరుణ హస్తము

పల్లవి : మా దేవా నీదు కరుణాహస్తము – మాకు తోడుగ ఉన్నది మా యేసు నీదు కృపాబలము మాకు నీడగ ఉన్నది.

1. సారి సారి ఎజ్రాభక్తుడు – సాక్ష్యమిచ్చెను నీతోడు దేవా నీ కన్నులు మా మీద నుంచి దివ్య జ్యోతిని వెలిగించుమా ॥మా దేవా॥

2. అంత్యదినములలో ఆత్మనొసంగెను తన భక్తులను బలపరచుటకై దినదినము మాకు దివ్యజ్ఞాన మొసగి నూతన శక్తిని కలిగించుమా ||మా దేవా॥

3. సాతాను జయించు సాధనము సారెసారెకు వాక్యం పఠియించుము – పాపమువలన బలహీనులైతిమి – ప్రార్థనచేతుము పట్టుదలతో ||మా దేవా॥

4. దేవా నీ హస్తము మాకాశ్రయము నిను నమ్మితిమి మాలో నివసింపుము పౌలుకు తన బలము – ప్రభుక్రీస్తేయని పాటించి చాటించే తన సాక్ష్యము ॥మా దేవా||